Tramy 女王
文章數 : 251 注冊日期 : 2011-06-23 年齡 : 23 來自 : Hk
族譜 經驗值: (300/300) 健康值: (300/300)
| 主題: 一次夜釣令我以後都唔敢再去釣夜魚(22 Jul updated, P.1, P.2) 周五 7月 22, 2011 3:38 pm | |
| 一次夜釣令我以後都唔敢再去釣夜魚(22 Jul updated, P.1, P.2) [按此打開] [隱藏] 都差唔多8年前o既事lu,一次夜釣令我以後都唔敢再去釣夜魚!
講古仔之前我一定要講講我老死阿智。我果時仲o係沙田大學讀緊year 3,我當年同佢是宿友。我中三果時識佢,係同班同學,第一次釣魚都係佢帶我去觀塘碼頭釣魚,自此之後我都中意左釣魚。阿智當然係我o既釣魚鐵腳啦,果時讀書冇咩錢,好多時我都係“癡” 佢D架生來用。阿智阿爸o係大陸做生意o既,佢屋企環境對我來講已經很好了。Year 2果時佢阿爸送左架98年白色日產Sunny俾佢,我成日都坐佢架車去釣魚。佢唔介意我用佢D架生,有時連魚餌都唔駛我夾錢。其實兄弟o既野冇計o既,邊個好環境咪邊個幫住拖先o羅。
果次我差唔多考完midterm,大概是10月中啦。阿智係讀哲學o既,佢比我早D考完,佢就問我幾時考完試,我就話10月23號最後一科啦。佢就話不如25號唔好返屋企(我o地住宿o既通常都週末返屋企,星期日就返宿舍),去釣通宵魚,佢話上網見到有人話清水灣大廟呢期大咬(好多魚咁解),25號又大生流,不如去試試。我當然歡迎啦,佢就話釣魚架生魚餌呢D佢準備就得喇,叫我顧掂最後果科先啦。
果晚係星期六晚,學校基本上冇咩人,因為果時係沙士時期又加上週末,D人都唔希望留在學校。我同阿智o係本部食完晚飯就坐阿智架車去請水灣大廟,果時大概晚上8-9點鐘。
我地向馬鞍山方向行了,然後再向科大方向走,最後到了一條叫大坳門路o既地方停低落車,由於當時又夜而且果度鬼影都冇,我們就泊架車o係度就立埋架生行去大廟碼頭。由車到大廟有一條100-200米的小徑,基本上冇街燈,好在阿智經驗豐富,去D偏僻地方釣夜魚一定會帶埋電筒。我地行左一陣間就到了大廟前空地,我同阿智就馬上o係空地set架生,set完之後d貴重o野、魚杆、魚餌等就跟身,因為我們要爬出去碼頭右面的石頭度釣,D唔等駛o野就放o係空地度先。
果晚好似係初15、16,天氣不錯而且有月亮,唯一唔好就係有少少凍。我們就係靠月亮光幫手照住條路出石頭果邊,阿智雖然有電筒但係都好難一手顧架生一手摣電筒。行到心水石頭上面,我o地馬上開杆,唔使10分鐘阿智就大叫:“仆街中魚,好似好大楸野。”,我就馬上走過去用撈箕幫拖,一睇原來是條油追,有成斤幾兩斤。阿智上魚之後同我講:“潮仔,可唔可以幫我去架車度拿番件風褸?我而家寒寒地,同埋我要解埋個魚鉤先。”我當然冇所謂啦,反正我又未有魚。
我沿住大廟旁條小路行啦,行行下開始落毛毛雨,我心諗唔係咁黑仔下話,考完試釣下魚都落雨?行到架車度拿左阿智件風褸,我自己都立番自己果件先。 返到去阿智果度,我見到又多了一條油追,我問佢:“喂,阿智,咁犀利o既,又上多一條?”,阿智冇出聲,淨係不停煲煙,隻手就不停咁震,拿了件風褸後就話:“唔該曬,你繼續釣住先,我地釣多陣就走啦。”
我心諗又話釣通宵o既,可能佢擔心越來越大雨所以提早收爐,早知就今次唔來啦。釣釣下我聽到一d好似係掉石頭落水的聲音,本來都唔覺得係咩,然後d聲音越來越近,好似係我左前方傳過來的。阿智仍然冇出聲,d煙一枝博一枝,d雨就越來越大,之前個月亮都唔見左,我心入面都涼一涼,我都狂煲煙冷靜自己,費事被阿智笑狗我細膽。[待續]
| |
|